ქათმის ხორცი მოტკბო საწებელში

საჭირო მასალა:2 ნაჭერი ქათმის ფილე, 2 ცალი ტკბილი წიწაკა, 1 ცალი მოზრდილი პომიდორი, 1-2 ჩ.კ. პომიდვრის პასტა, 1 კონა კამა, 2 ჩ.კ. კარტოფილის სახამებელი, 1 ჩ.კ. პაპრიკა, 3 ს.კ. შაქარი, 1-2 ჩ.კ. წითელი წიწაკა, მარილი – გემოვნებით, რამდენიმე ღერი მწვანე ხახვი, 2-3 ს.კ. ზეთი, 0,25 ჩ.კ. ჯანჯაფილი.

მომზადება:ქათმის ხორცი დავაწითლოთ ტაფაზე და დავჭრათ პატარა ნაჭრებად. ცალკე ზეთში მოვშუშოთ დაჭრილი მწვანე ხახვი, დავამატოთ მსხვილად დაჭრილი ბულგარული წიწაკა და წვრილად დაჭრილი პომიდორი, როცა დარბილდება, დავამატოთ პომიდვრის პასტა, შაქარი, სანელებლები და 3 წუთი ვშუშოთ, შემდეგ ჩავყაროთ დაჭრილი ხორცი, დავასხათ დაახლოებით 1 ჭიქა წყალში გახსნილი სახამებელი და კარგად ვურიოთ. როცა მასა შესქელდება, მოვაყაროთ წვრილად დაჭრილი კამა.

© ღვინის კლუბი/“Weekend“