ორგანიზაცია Wine Institute-ის მონაცემებით მსოფლიოში ყველაზე მეტ ღვინოს ვატიკანელები სვამენ – ამ ქალაქ-სახელმწიფოს თითო მცხოვრები წელიწადში, საშუალოდ, 74 ლიტრს, დაახლოებით 105 ბოთლ ღვინოს მიირთმევს. როგორც ირკვევა, ფრანგები და იტალიელები ზუსტად ორჯერ ნაკლები რაოდენობის ღვინოს სვამენ, ბრიტანელები კი – სამჯერ ნაკლებს. ვატიკანელების მიერ განსაკუთრებით ბევრი ღვინის მოხმარებას იმით ხსნიან, რომ აქ მცხოვრებნი ხშირად ეზიარებიან, ერთი ყლუპი ღვინის მოსმა კი ამ რიტუალის აუცილებელი ნაწილია. არსებობს სხვა მოსაზრებაც: გამოცემა The National Catholic Reporter-ის მონაცემებით ვატიკანში ძირითადად ზრდასრული, განათლებული მამაკაცები ცხოვრობენ, რომლებიც მარტო არასდროს სადილობენ. ცხადია, მეგობრების წრეში სადილს ღვინოსაც აყოლებენ. სწორედ ამ ორი ფაქტორის გამო აღმოჩნდა ვატიკანი ღვინის მსმელთა შორის პირველ ადგილზე.
© ღვინის კლუბი /Weekend
ბეჭდვა
თქვენი კომენტარი