საქონლის ხორცი ბოსტნეულით და ბარდით

ხორცი 1,200 კგ., 3 სხვადასხვა ფერის ბულგარული წიწაკა, ერთი მუჭა მწვანე ზეთისხილი, სტაფილო 2 ცალი, ხახვი 2 თავი, ნიორი 5-6 კბილი, 250 გრ. ბარდა, ზაფრანა, ცოტა რეჰანი, როზმარინი.

 

დავალბოთ წყალში ბარდა (მთელი ღამით). დავაწითლოთ ხორცის ნაჭრები (მსხვილად დაჭრილი), დავაყაროთ რგოლებად დაჭრილი ხახვი და ნივრის კბილები, 5 წუთი კიდევ ვშუშოთ და გამოვრთოთ. დავჭრათ მსხვილ მოგრძო ნაჭრებად სტაფილო, ბულგარული. ქვაბში ძირზე დავყაროთ ბარდა,ზემოდან ხორცი დავაფინოთ, მოვაყაროთ მწვანილი და მწარე წიწაკა, დავფაროთ ბოსტნეულით, ზეთისხილი მოვაყაროთ და მოვასხათ ბულიონი, ბოსტნეული და ხორცი რომ დაფაროს. შევდგათ ღუმელში 3 საათით, 240 გრადუსზე.

 

© rtuli