ფუნთუშები

საჭირო მასალა: 350 მლ რძე, 50 გ კარაქი, 1 ს.კ. მშრალი საფუარი, 550 გ ფქვილი, 2-4 ს.კ. შაქარი, 0,5 ჩ.კ. მარილი. ფუნთუშების მოსახარშად - 1,5-2 ლ წყალი, 1,5 ჩ.კ. სოდა. სეზამის მარცვლები – მოსაყრელად.

მომზადება: ფქვილში ავურიოთ საფუარი. 1 ჭიქა რძეში ჩავადნოთ კარაქი, დავუმატოთ შაქარი, მარილი და კარგად გავხსნათ. ცხელ მასას დავუმატოთ ცივი რძე, უნდა მივიღოთ თბილი სითხე. რძე დავასხათ ფქვილს და მოვზილოთ ცომი. ჩავდოთ თასში და დავდგათ ასაფუებლად. ამოსული ცომიდან გავაკეთოთ დაახლოებით 8-10 ბურთულა, მივცეთ ფუნთუშის ფორმა და ჩავყაროთ ადუღებულ, სოდაარეულ წყალში. ვხარშოთ ნელ ცეცხლზე 30-40 წამის განმავლობაში. გაფუებული ფუნთუშები ამოვიღოთ ქაფქირით, დავაწყოთ გამოსაცხობ ქაღალდზე და 30-35 წუთით შევდგათ 180 გრადუს ტემპერატურაზე გახურებულ აირღუმელში.

© ღვინის კლუბი/Weekend