კარტოფილი ინდურად

საჭირო მასალა: 1 კგ კარტოფილი, 2 ს.კ. კარის ფხვნილი, 1 ს.კ. წითელი წიწაკა, 1 ს.კ. კურკუმა, 3 კონა მწვანე ხახვი, 1 ღერი დარიჩინი, 3 ს.კ. ზეთი, 1 ს.კ. მდოგვის მარცვლები, 1 ს.კ. ძირა, 0,5 ლიმონის წვენი, მარილი – გემოვნებით.

მომზადება: კარტოფილი კარგად, ჯაგრისით გავრეცხოთ და  კანიანად მოვხარშოთ, შემდეგ გავაცივოთ და საშუალო ზომის მოგრძო ნაჭრებად დავჭრათ. შევურიოთ კურკუმა, კარის ფხვნილი, წიწაკა და მარილი.

ცალკე დავჭრათ მწვანე ხახვი. ტაფაზე გავაცხელოთ ზეთი, დავყაროთ ზედ კარტოფილი და 4-5 წუთის განმავლობაში დავბრაწოთ. დავუწიოთ ცეცხლს, დავუმატოთ დარიჩინი, მდოგვის მარცვლები და ძირა. 1-2 წუთის შემდეგ დავაყაროთ მწვანე ხახვი, დავაწუროთ ლიმონი და 3-4 წუთის შემდეგ გადმოვდგათ ცეცხლიდან.

© ღვინის კლუბი/Weekend