თევზის ღვეზელი

საჭირო მასალა: ცომი - 150 გ. ფქვილი, 200 გ. მაწონი, 2 ს.კ. ზეითუნის ზეთი, 3 ცალი კვერცხი, 1 ჩ.კ. ცომის გამაფხვიერებელი ფხვნილი, 0,5 ჩ.კ. სოდა, 1 ჩ.კ. წვრილად დაჭრილი კამა, 1 ჩ.კ. კვლიავი. გულსართი - 300 გ. თევზის ფილე, 3 ს.კ. ბრინჯი, 1 ცალი კვერცხი, 70 გ. ხახვი. სოუსისთვის - 5 ს.კ. პომიდვრის პასტა, 3 ს.კ. რძე.

მომზადება: გულსართისთვის მოვხარშოთ თევზი, კვერცხი და ბრინჯი. გაციებული თევზი ჩანგლით გავწეწოთ და შევურიოთ ბრინჯი, დაკეპილი მოხარშული კვერცხი და ზეთში მოშუშული ხახვი, კამა და შევანელოთ მარილითა და წიწაკით. ცომის მშრალი და სველი ინგრედიენტები ცალცალკე შევურიოთ ერთმანეთს, შემდეგ ავურიოთ და მოვამზადოთ სქელი არაჟნის კონსისტენციის ცომი. მისი 2/3 ჩავასხათ ფორმაში, გადავანაწილოთ მასზე გულსართი და ზემოდან დანარჩენი ცომი მოვათავსოთ. ღვეზელ;I ვაცხოთ 200 გრადუსზე გახურებულ ღუმელში 40 წუთის განმავლობაში და როცა გამოცხვება 5 წუთით გავაჩეროთ ჩამქრალ ღუმელში.

© ღვინის კლუბი/Weekend