გამოქვეყნებულია: 5 აპრილი, 2009 - 00:54
კომპანია Schuchmann Wines Georgia -მ, რომელიც ორ ბრენდს, Schuchmann-სა და Vinoterra-ს აერთიანებს, ახალი ღვინო, ქვევრებში ევროპული წესით დაყენებული შარდონე ჩამოასხა. შემოდგომაზე მომხმარებელი ამავე მეთოდით დამზადებულ კაბერნე სოვინიონსა და მერლოს დააგემოვნებს. კომპანია თავისი პროდუქციის გატანას უცხოეთშიც აპირებს. 15 აპრილამდე გერმანიაში საფერავისა და ქისის პირველ პარტიას გააგზავნიან, რასაც საფუძველი წლევანდელ ProWein-ზე ჩაეყარა.
რამდენიმე დღის წინ დიუსელდორფში გამართულ ღვინის საერთაშორისო გამოფენაზე Schuchmann Wines Georgia დამოუკიდებელი სტენდით წარდგა. კომპანიის მეღვინის, გოგი დაქიშვილის თქმით, წლევანდელი ProWein მათთვის შედეგიანი აღმოჩნდა, იმდენად, რამდენადაც გამოიკვეთნენ ახალი პარტნიორები. გერმანელების გარდა, Schuchmann Wines Georgia-ს ღვინით ფინელები და ამერიკელებიც დაინტერესდნენ.
© მადიანი/vinoge.com
ბეჭდვა
თქვენი კომენტარი