ჰონკონგში დასრულდა მიმდინარე წლის ყველაზე მასშტაბური ღვინის აუქციონი, რომელზეც ლოტებად გამოტანილი იყო იშვიათი ფრანგული ღვინოები. აუქციონის მოგებამ 14,5 მილიონი დოლარი შეადგინა. ლოტებს შორის აღმოჩნდა ბურგუნდიული ღვინოების ცნობილი კოლექციონერის, დონ სკოტის ღვინოებიც. ორგანიზატორებმა მის კოლექციას "დიდ ბურგუნდიულ ღვინოთა ცნობარიც" კი უწოდეს. აღსანიშნავია, რომ ლოტების 98% უკვე აუციონის პირველ ორ დღეშივე გაიყიდა. აუქციონის საინტერესო სიახლედ კი ელიტური ფრანგული ღვინოებისადმი ჩინელი მყიდველების გაზრდილი ინტერესი იქცა. როგორც ჩანს, ევროზონაში არსებული ეკონომიკური კრიზისი და თვით ჩინეთში არსებული ინფლაცია ძვირადღირებული ღვინის ბაზარზე არ მოქმედებს. აუქციონის ორგანიზატორი კომპანიის, Acker Merrall & Condit-ის წარმომადგენლები აცხადებენ, რომ აუქციონის მსვლელობისას, ლოტებზე ვაჭრობის თვალსაზრისით, 145 მსოფლიო რეკორდი დამყარდა. აუქციონის ვარსკვლავად 1990 წლის La Tache от Romanee Contiიქცა, რომელიც ლოტიდან 68 821დოლარად მოიხსნა. რეკორდული იყო Georges Roumier Musigny-ც, რომლის 1978 წლის მოსავლის 6 ბოთლი 59,6 ათას დოლარად გაიყიდა.
© ღვინის კლუბი/Weekend
ბეჭდვა
