ქარვისფერი ღვინოები სემ სლოტერის დახასიათებით

ამერიკული მედია The Manual-ი ქარვისფერ ღვინოებს მკითხველს სემ სლოტერის საინტერესო სტატიით აცნობს (4 Orange Wines to Try If You’ve Never Heard of Orange Wine, The Manual, Sam Slaughter). ღვინოების განხილვა ქართული ქვევრის ღვინით იწყება.

სემ სლოტერი The Manual-ის ღვინისა და კერძის განყოფილების რედაქტორია და მის პუბლიკაციებს სხვადასხვა მნიშვნელოვან გამოცემაშიც ნახავთ (Maxim, Bloomberg, The Bitter Southerner).

ავტორი მკითხველს რამდენიმე ქარვისფერ ღვინოს აცნობს და მათ შორისაა Doqi Kisi Qvevri 2014-იც. ქისიდან დაყენებულ ქვევრის ღვინო ჩაის, ახალი ბლისა და ფუნთუშეულის ტონებით (ასე ახასიათებს ამ ღვინოს თავად ავტორი). აქვეა Domaine Glinavos Paleokerisio 2016 და ორი ძალზე ცნობილი მწარმოებლის ღვინოები: Ageno-ს La Stoppa Ageno Blend 2012 და იოშკო გრავნერის Gravner Pinot Grigio 2006.

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი