გამოქვეყნებულია: 10 მარტი, 2011 - 23:23
5.50 ლარი
კომპანია "ხარებას" მიერ წარმოებული კიდევ ერთი იშვიათი ჯიშიდან დაყენებული ღვინოა. საკმაოდ მკრთალი ალუბლისფერით ხასიათდება, კარგი გარეგნობისაა, სურნელებში აშკარად ჩანს ალადასტურის ჯიშური არომატები, სადაც ერთმანეთს მცენარეული და ხილის ტონები ერწყმის (დაბოლოებაში ლეღვის ჩირიც კი ჩნდება). თხელი ღვინოა, თუმცა ხავერდოვანი ტანინები აძლიერებს პირველ შთაბეჭდილებას. ალადასტური კარგი მისაყოლებელი იქნება ხორციან სალათებთან, მისწრებაა გოჭის ხორცთან, მოხარშულ ხბოს ხორცთან. ამ ღვინის ერთ-ერთი უმთავრესი ღირსება ხარისხის, უნიკალობისა და დაბალი ფასის შეხამებაა.
© ღვინის კლუბი/Weekend
თემა:
ბეჭდვა
