ღორის ხორცის პაშტეტი

საჭირო მასალა: 700 გ ღორის რბილი ხორცი, 200 გ ბეკონი, 3 თავი ხახვი, 250 გ ღორის ღვიძლი, 2-3 ცალი კვერცხი, 1 ს.კ. თეთრი პილპილი, 1 ჩ.კ. შავი პილპილი,  0,5 ჩ.კ. ძირა, 1 ცალი დაფნის ფოთოლი, 3 პატარა ტოტი როზმარინი, 1 ს.კ. კონიაკი, მარილი - გემოვნებით.

მომზადება: ხორცი, ღვიძლი და 50 გ ბეკონი გავატაროთ ხორცსაკეპ მანქანაში, დავუმატოთ წვრილად აკეპილი ხახვი, თეთრი და შავი პილპილი, კვერცხი, კონიაკი და კარგად ავურიოთ. დანარჩენი ბეკონი დავჭრათ ძალიან თხლად და ჩავფინოთ ფორმაში, ზედ მოვათავსოთ როზმარინის ტოტები, დაფნის ფოთოლი, ზედ გადავაფაროთ ისევ ბეკონის ფენა, შიგ ჩავდოთ ფარში და ფორმა ჩავდგათ წყალდასხმულ თუნქის ფორმაზე. წყალი ფორმას შუამდე უნდა ჰქონდეს მოყენებული. პაშტეტი ვაცხოთ დაახლოებით 1 სათისა და 15 წუთის განმავლობაში დაბალ ტემპერატურაზე.

© ღვინის კლუბი/Weekend