ჩაშუშული ცხვრის ხორცი

საჭირო მასალა: 600 გ ცხვრის ხორცი, 3 ს.კ. რაფინირებული ზეითუნის ზეთი, 4 ცალი ტყის ქამა სოკო, 3 ცალი კარტოფილი, 3 ცალი სტაფილო, 1 პატარა თავი ბროკოლი, 200 მლ ბოსტნეულის ბულიონი, 3 ცალი დაფნის ფოთოლი, 1 კონა ოხრახუში, 2-3 ღერი ბეგქონდარა, მარილი – გემვნებით.

მომზადება: ხორცი დავჭრათ მსხვილ ნაჭრებად და კარგად გახურებულ ზეთდასხმულ ტაფაზე ყველა მხრიდან შევბრაწოთ, შემდეგ დავასხათ თბილი ბულიონი, დავახუროთ სახურვი და ძალიან დაბალ ცეცხლზე 2 საათი ვშუშოთ. თუ წვენი ბოლომდე დაიშრო, ცოტა წყალი დავასხათ. მსხვილად დავჭრათ სტაფილო და კარტოფილი, დაფნის ფოთლებთან, ოხრახუშთან და ბეგქონდარასთან ერთად დავუმატოთ ხორცს. მწვანილი ქვაბში მთელ-მთელ კონებად შეკრული მოვათავსოთ. 1 საათის შუშვის შემდეგ დავუმატოთ ყვავილედებად დაყოფილი ბროკოლი და დაჭრილი სოკო და ცეცხლზე კიდევ 30 წუთი დავტოვოთ. როდესაც კერძი მომზადდება, მწვანილის კონები და დაფნის ფოთლები ამოვიღოთ და ისე მივიტანოთ სუფრასთან.

© ღვინის კლუბი/Weekend