ბრინჯის კოლბერი

საჭირო მასალა: 4 ს.კ. მოხარშული ბრინჯი, 0,5 ჭიქა რძე, დაკონსერვებული გარგარი, ან გარგრის მურაბა, კ. ფქვილი, 1 ცალი კვერცხი, 1 ს.კ. ქოქოსის ფანტელი, 1 ს.კ. შაქრის პუდრა, 1 ს.კ. გარგარის ცუკატები ან კურაგა, ზეთი – ფრიტიურისთვის.

საწებელი - 4 ს.კ. გარგარის ლიქიორი, 0,5 ჭიქა რძე, 2 ცალი კვერცხის გული, 1 პაკეტი ვანილის შაქარი, პიტნა – მოსართავად.

მომზადება: ბრინჯით, შაქრის პუდრითა და რძით მოვხარშოთ სქელი ფაფა და გავაგრილოთ. გარგარი დავაწყოთ საწურზე, რომ დაიწრიტოს. ბრინჯის მასისგან გავაკეთოთ ბურთულები, ამოვავლოთ დაჭრილ ცუკატებში, თითოეული ბურთულა მოვათავსოთ გარგარის ნაჭერში და მეორე ნაჭერი ზემოდან დავაფაროთ. ფქვილის, ქოქოსის ფანტელებისა და ცოტა წყლისაგან გავაკეთოთ კლიარი, ამოვავლოთ მასში გარგარის ბურთულები და შევწვათ ფრიტიურში. მოვამზადოთ საწებელი: რძეში ავურიოთ ვანილის შაქარი და კვერცხი, ავთქვიფოთ, დავდგათ ცეცხლზე და განუწყვეტლივ ვურიოთ.  როცა მასა წამოდუღდება, გადმოვდგათ, შევურიოთ გარგრის ლიქიორი და მოვასხათ დესერტს, ზემოდან კი მოვაყაროთ პიტნის ფოთლები.

© ღვინის კლუბი/Weekend