Home
ქართული | English
ივლისი 2022
ორშსამოთხხუთპარშაბკვი
27282930123
45678910
11121314151617
18192021222324
25262728293031

შეიძინეთ ჩვენი წიგნები ღვინის მაღაზიებში

მულტიმედია

კომენტარები

ჩურჩხელა ბარბარე ჯორჯაძისაგან

საჩურჩხლე ნიგვზის თხილის დამზადება და ასხმა

 
მოიღეთ თეთრი ლებანი გამხმარი ნიგვზისა, დასჭერით თითო ლებანი ოთხად-ხუთად; ყაჭის ძაფი დაქსელეთ ერთი მტკაველი და ორი გოჯი თავი გაუჭერით, ამ ძაფზე ააგეთ ნემსი და ერთი მომსხო ნიგოზი ააგეთ ძაფზე და ორჯელ ამოუყარეთ, რომ ნიგოზი არ ჩასძვრეს; მერე აასხით ამ ძაფზე ნიგოზი თუ თხილი, სანამ ძაფი გაიმსება, თან ცოტ-ცოტათი დასწიეთ, რომ ცარიელი ალაგი არ დარჩეს. ამრიგად რამდენიც გნებავთ, ჩურჩხელა აასხით; მერე მსხვილი ბამბის ძაფი-სათაურები გაუკეთეთ, თხილს დაჭრა არ უნდა, მთელები აასხით. ნუში უნდა დაფცქვნათ შუაზე, გასჭრათ და ისე აასხათ. ჩამიჩი და ქიშმიშიც ასევე აასხით.
 
ტკბილის მობადაგება საჩურჩხლედ
 
თეთრი ყურძნის ტკბილი აიღეთ (ბოლოს წვენი, - წინა წვენი არ ვარგა), იქამდინ ადუღეთ, სანამდის ცოტათი სუნი მიეცემა ბადაგის; ას ჩურჩხელაზე ტკბილი აიღეთ ერთი ჩაფი (16 ლიტრია) და ერთი თუნგი (4 ნახევარი ლიტრი - მ.ხ.). როცა ბადაგი გაცივდეს, გასწურეთ პარკში; ერთი ჩაფის ქვაბში სამსე რო მოადუღოთ, ამას თავ-მობმული ექვსი ჯამი ფქვილი ჩააყარეთ, ფქვილი კარგი ძარღვიანი უნდა იყოს და ორჯელ გამტკიცული; ნელთბილ ბადაგში მოუკიდეთ ფქვილი და თან თქვიფეთ ფოჩხებიან ჯოხით, რომ ფქვილი გაიხსნას. როცა ფქვილი კარგა გაიხსნება, ნელ ცეცხლზე შედგით, თან სულ ურიეთ და თან ზილეთ დიდი კოვზით ან ქაფქირით; ისე წყნარ-წყნარა იდუღოს, რომ არ წამოდუღდეს; იმდენ ხანს უნდა იშუშოს წყნარ-წყნარა, რომ ფქვილის გემო არა ჰქონდეს და თათარამ კრიალი დაიწყოს; მერე მომზადებული ჩურჩხელა ნიგვზისა გაავლეთ, ჩამოჰკიდეთ ხარიხაზე, მერე თხილის, ნუშის, ჩამიჩის, გაავლეთ; მეორედ გასავლებად კიდევ ისე მოამზადეთ, როგორც ზემოდ არის აწერილი, ოღონდ ერთი ჯამი ფქვილი დააკელით; თუ იმ დღეს ვერ მოასწრობთ მეორედ გავლებას, მეორე დღეს გაავლეთ; თუ კარგი მზიანი დღეებია, ექვსი დღე ეყოფა მზეზე გატანა და თუ არ არის მზიანი დღეები, მაშინ მეტი გაშრობა უნდა; ოღონდ ჩურჩხელა არ გაახმოთ, ისევ რბილი ჩამოსჭერით; ყუთში (ან რაშიაც შეინახავთ) ჩაუფინეთ რამე და შიგ ჩაალაგეთ, ზევიდან თბილად დახურეთ, ისეთ ალაგას დადგით, რომ არ გაიყინოს და არც სიცხეში, რომ არ გახმეს; ახლად რომ ჩაალაგოთ, სისველე მიეცემა, ეს არაფერია, შემდეგ სისველის დაშაქრდება და გათეთრდება.
 
ბარბარე ჯორჯაძე


Does your website have a contact page? I'm having problems locating it but, I'd like to shoot you an e-mail. I've got some ideas for your blog you might be interested in hearing. Either way, great blog aand I look forward to seeing it grow over time.

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.

ტოპ ხუთეული