ბადრიჯნის მჟავე

საჭირო მასალა: 1,5 კგ ბადრიჯანი, 400 გ კომბოსტო, 100 გ სტაფილო, 2 ცალი ტკბილი წიწაკა, 2 კბილი ნიორი, შავი პილპილი – გემოვნებით. მარინადისთვის – 1,5 ლ წყალი, 70 გ მარილი.

მომზადება: მარილი და წყალი ავადუღოთ და გავაგრილოთ. თანაბარი ზომის ბადრიჯნები ჩანგლით დავჩხვლიტოთ. მოვათავსოთ წყალში და რომ წამოდუღდება, გადმოვდგათ ცეცხლიდან. 5 წუთი დავტოვოთ და შემდეგ გადავწუროთ. ავკეპოთ კომბოსტო, გავხეხოთ სტაფილო, დავჭრათ წიწაკა, დავჭყლიტოთ ნიორი, ავურიოთ და მოვაყაროთ მარილი. ბადრიჯნები დავსეროთ და ბოსტნეულის ნაზავით გამოვტენოთ. ბადრიჯნებს შემოვახვიოთ ძაფი და მოვათავსოთ მარინადში, ზემოდან დავადოთ სიმძიმე დასაწნეხად. ბადრიჯანი 3 დღით თბილ ადგილას მოვათავსოთ, შემდეგ კი, როდესაც დამჟავდება, მაცივარში შევინახოთ.

© ღვინის კლუბი/Weekend