ფლავი ირანულად

 

საჭირო მასალა: 1 ქათამი, 1 თავი ხახვი, მარილი, პილპილი, 2-3 ჭიქა ბრინჯი ბასმატი, 100 გ კარაქი, 0.5 ჩ.კ. კურკუმა. ცომისთვის – 3 კვერცხი, 1/3 ჭიქა წყალი, 1/2 ს.კ. მარილი, 3-3.5 ჭიქა ფქვილი, 1 ს.კ. კარაქი, 2 ს.კ. ზეთი, 2/3 ჭიქა ქუნჯუთის მარცვლები. 

 

მომზადება: ქათამი ნახევრად მოვხარშოთ, გამოვარჩიოთ ხორცი ძვლებისგან, მოვაყაროთ მარილი, პილპილი და ხახვთან ერთად კარაქში მოვშუშოთ.  ბრინჯი მარილიან წყალში ნახევრად მოვხარშოთ, გადავწუროთ და გამდნარ კარაქში მოვხალოთ. ქვაბის გვერდებსა და ფსკერზე წავუსვათ კარაქი, მოვაყაროთ ქუნჯუთის მარცვლები. ცომის ინგრედიენტები შევურიოთ, მოვზილოთ ელასტიკური ცომი, გავაბრტყელოთ და ქვაბის ფსკერსა და გვერდებზე დავაფინოთ. ფენა-ფენა მოვათავსოთ ბრინჯი და ქათმის ნაჭრები, დავასხათ გამდნარი კარაქი, დავფაროთ ცომით და 45 წუთის განმავლობაში გამოვაცხოთ 190 გრადუსზე გახურებულ ღუმელში.  ქვაბს დავაფაროთ დიდი თეფში და ცომში გახვეული ქათმის ფლავი ამოვატრიალოთ.