ვაშლისა და ჭარხლის სალათა

საჭირო მასალა: 250 გ ჭარხალი, 1 ცალი მჟავე ვაშლი, 2 ს.კ. ლიმონის წვენი, 3 ს.კ. ვაშლის წვენი, 0,5 ს.კ. შაქარი, 4 ს.კ. ზეითუნის ზეთი, 3 ს.კ. გარჩეული მზესუმზირა, მწიკვი მარილი, 100 გ ყველი ფეტა, ახალი მწვანილი  - მოსართავად.

მომზადება: ჭარხალი გავფცქვნათ და თხლად დავჭრათ. ვაშლი ოთხად გავჭრათ, თესლი ამოვაცალოთ და თხლად დავჭრათ, მოვაწუროთ ლიმონი. 1 ს.კ. ლიმონის წვენს ავურიოთ ვაშლის წვენი, მარილი, პილპილი და შაქარი. დავუმატოთ ზეითუნის ზეთი. მზესუმზირა მოვხალოთ. მოვაყაროთ მარილი. ჭარხალსა და ვაშლს მომზადებული სოუსი მოვასხათ, მოვაყაროთ დაფხვნილი ფეტა, მწვანილი და მზესუმზირა.

© ღვინის კლუბი /Weekend