გამოქვეყნებულია: 28 ოქტომბერი, 2010 - 19:14
საჭირო მასალა: 5 კგ. მწვანე პომიდორი, 1 კგ ხახვი, 1 ლ ზეთი, 200-300 გ ნიორი, 2 კგ სხვადასხვა ფერის ბულგარული წიწაკა, 2 ს.კ. ყვითელი ყვავილი, 4-5 ს.კ. უცხო სუნელი, ძმარი – ყოველ 0.5 ლიტრიან ქილაზე 2 ს.კ. მარილი, დაფქული ცხარე წითელი წიწაკა.
მომზადება: პომიდორი დავჭრათ, მოვაყაროთ მარილი, გავაჩეროთ 1-2 საათი და გავწუროთ. ზეთში მოვშუშოთ ალყა-ალყად დაჭრილი ხახვი ყვითელ ყვავილთან და უცხო სუნელთან ერთად. ნიორი დავკეპოთ, ბულგარული წიწაკა დავჭრათ წრეებად, ინგრედიენტები შევურიოთ ერთმანეთს, გავუწყოთ წიწაკა, მარილი და მჭიდროდ ჩავდოთ ქილებში. დარჩენილი ზეთი ქილებზე გადავანაწილოთ, დავასხათ ძმარი, დავახუროთ პლასტმასის თავსახურები და დავდგათ ბნელ გრილ ადგილას, სასურველია სარდაფში. დუღილის დროს ქილებიდან სითხე დაიწყებს გადმოსვლას, მაგრამ თავსახურები არ ავხადოთ.
© ღვინის კლუბი/“Weekend“
ბეჭდვა
თქვენი კომენტარი