მწვანე პამიდვრის ხიზილალა

საჭირო მასალა: 1.5 კგ მწვანე პამიდორი, 2 ცალი ბადრიჯანი, 6-7 მწვანე წიწაკა, 4 კბილი ნიორი, 1 კონა ოხრახუში, 3-4 ს.კ. ზეითუნის ზეთი, ვაშლის ძმარი, მარილი - გემოვნებით.

მომზადება: ღუმელში ცალ-ცალკე გამოვაცხოთ ბადრიჯანი, მწვანე პამიდორი და წიწაკა. ბოსტნეული გავფცქვნათ და დავაქუცმაცოთ დაჭყლეტილ ნიორსა და მწვანილთან ერთად. დავუმატოთ ზეთი, გავუწყოთ მარილი, ვაშლის ძმარი, დავდგათ ცეცხლზე, მივიყვანოთ ადუღებამდე. მასა გადავანაწილოთ ქილებში და გავასტერილოთ 40 წუთის განმავლობაში.

© ღვინის კლუბი/Weekend