მწვანე მინესტრონე

საჭირო მასალა: 1,2 ლ ბოსტნეულის ბულიონი, 2 თავი ხახვი, 2 ცალი დაფნის ფოთოლი, 6 მარცვალი შავი პილპილი, 200 გ ნედლი ცერცვი ან გაყინული მწვანე ბარდა, 1 დიდი კონა კამა თავისი ძირით, 300 გ ახალი კომბოსტო, 1 ცალი ცუკინი, 0,5 ჩ.კ. თავშავა, რამდენიმე ღერი მწვანე ხახვი, 200 მლ არაჟანი, მარილი, პილპილი – გემოვნებით.

მომზადება: ბულიონი ჩავასხათ ქვაბში, დავუმატოთ დაფნის ფოთლები, პილპილის მარცვლები, გაჭრილი ხახვი, მარილი, დავდგათ დაბალ ცეცხლზე და თავდახურული ვხარშოთ 30 წუთის განმავლობაში. კამა, კომბოსტო და ცუკინი დავჭრათ. ბულიონი გადავწუროთ, დავუმატოთ ცერცვი ან ბარდა და 5 წუთი ვადუღოთ. დავუმატოთ დაჭრილი ბოსტნეული და კიდევ 5 წუთი ვადუღოთ. მოვაყაროთ მარილი და პილპილი. მწვანე ხახვი წვრილად დავჭრათ, დავუმატოთ არაჟანი, თავშავა, მარილი და პილპილი. მინესტრონე სუფრაზე არაჟნის სოუსთან ერთად გავიტანოთ.

© ღვინის კლუბი /Weekend