გუფთები ოსპითა და ბოსტნეულის გარნირით

საჭირო მასალა: 1 თავი ხახვი, 2 კბილი ნიორი, 270 მლ ბოსტნეულის ბულიონი, 150 გ წითელი ოსპი, 6 ცალი ტკბილი წიწაკა, 1 პატარა ყაბაყი, 150 გ ხორცის ფარში, 1 ცალი კვერცხი, 1 ს.კ. ძირა, 1 ს.კ. პაპრიკა, 2 ს.კ.

სოუსი აივარი (შეიძლება ჩანაცვლდეს ბლენდერში დაქუცმაცებული, მოშუშული ნივრის, პამდვრისა და ტკბილი წიწაკის ნარევით), 1 პატარა კონა მწვანე ხახვი, 1 ს.კ. ტომატპასტა, მარილი, პილპილი – გემოვნებით.

მომზადება: ნიორი და ხახვი წვრილად დავჭრათ. 200 მლ ბოსტნეულის ბულიონი ავადუღოთ, დავუმატოთ დაჭრილი ბოსტნეული, ოსპი და თავდახურული 8-10 წუთი ვხარშოთ. შემდეგ სახურავი მოვხადოთ და ვადუღოთ, სანამ სითხე არ დაშრება და გავაგრილოთ. პარალელურად წიწაკა და ყაბაყი მოგრძო, თხელ ღერებად დავჭრათ. ოსპი და მოხარშული ბოსტნეული შევურიოთ ხორცის ფარშს. სურვილისამებრ, შეგვიძლია ბლენდერით ან ჩოფერით დავაქუცმაცოთ. შევურიოთ კვერცხი. მოვაყაროთ მარილი, ძირა, პილპილი და პაპრკა. ფარშისგან მოვამზადოთ კაკლისოდენა გუფთები და მდუღარე მარილიან წყალში 10 წუთი ვხარშოთ. დარჩენილი ბულიონი ღრმა ტაფაში გავაცხელოთ, დავუმატოთ დაჭრილი წიწაკა, დავახუროთ სახურავი და 8 წუთი ვშუშოთ. დავუმატოთ ყაბაყი და სოუსი აივარი. თავდახურული კვლავ ვშუშოთ 5 წუთის განმავლობაში. დავუმატოთ ტომატპასტა, წიწაკა, მარილი, პილპილი და წვრილად დაჭრილი მწვანე ხახვი. გუფთები  მოშუშულ ბოსტნეულზე დავაწყოთ და ისე მივირთვათ.

© ღვინის კლუბი /Weekend