ცხვრის ხორცის გუფთები მუხუდოთი

საჭირო მასალა: 300 გ ცხვრის ხორცის ფარში, 1 კვერცხი, 2 ს.კ. საფანელი, 1 კონა მწვანე ხახვი, 1 პატარა ლიმონი, 240 გ დაკონსერვებული მუხუდო ან ბარდა, 1 ს.კ. ზეითუნის ზეთი, 0,5 ს.კ. ძირა, 400 გ კანგაცლილი, დაჭრილი პამიდორი, მარილი, წიწაკა – გემოვნებით.

მომზადება: ხორცის ფარში, კვერცხი, საფანელი, მარილი და წიწაკა კარგად ავურიოთ. დასველებული ხელებით გავაკეთოთ კაკლისოდენა ბურთულები და ერთად დავაწყოთ. მწვანე ხახვი გავარჩიოთ, გავრეცხოთ და წვრილად დავჭრათ. ლიმონი გავწუროთ. მუხუდო გადავწუროთ და წყალი გადავავლოთ. ტაფაზე საშუალო ტემპერატურაზე გავაცხელოთ ზეთი და ხორცის გუფთები შევწვათ. გუფთებს მოვაყაროთ ძირა, მუხუდო, მწვანე ხახვი,  პამიდორი და მოვასხათ ლიმონის წვენი. როდესაც ადუღდება, ცეცხლს ჩავუწიოთ და 10-12 წუთი ვადუღოთ. სურვილისამებრ დავუმატოთ მარილი, პილპილი და გადმოვდგათ ცეცხლიდან.

© ღვინის კლუბი /Weekend