თევზი ოსპით

საჭირო მასალა: 1 თავი ხახვი, 1 კბილი ნიორი, 1 ჩ.კ. ხმელი ბეგქონდარა და თავშავა, 200 გ ახალი თევზის ფილე, 2 ს.კ. ზეითუნის ზეთი, 300 მლ პამიდვრის წვენი, 200 მლ ბოსტნეულის ბულიონი, 1 პატარა პრასი, 1 ცალი დაფნის ფოთოლი, 100 გ წითელი ოსპი, 1 ს.კ. ლიმონის წვენი, მარილი, პილპილი – გემოვნებით.

მომზადება: თევზი საშუალო ზომის ნაჭრებად დავჭრათ. ნიორი და ხახვი წვრილად დავკეპოთ. ნახევარ ხახვსა და ნიორს შევურიოთ 1 ს.კ. ზეთი, თავშავა, ბეგქონდარა, ლიმონის წვენი, მარილი და პილპილი. ეს ნაზავი მოვასხათ თევზის ნაჭრებს და 30 წუთით გავაჩეროთ. ამასობაში რგოლებად დავჭრათ პრასი. დარჩენილი ხახვი მოვშუშოთ ზეთში, დავასხათ პამიდვრის წვენი და ბოსტნეულის ბულიონი, შემდეგ ოსპი, დაფნის ფოთოლი და პრასი დავუმატოთ. 10 წუთი ვხარშოთ. როცა წამოდუღდება, ამოვიღოთ დაფნის ფოთოლი, წვნიანში კი მოვათავსოთ დამარინადებული თევზი და 5-10 წუთი კიდევ ვხარშოთ.

© ღვინის კლუბი/Weekend