დაკონსერვებული კალმარის სალათა

საჭირო მასალა: 400 გ დაკონსერვებული კალმარი, 300 გ ყაბაყი ან ცუკინი, 200 გ წითელი და ყვითელი ფერის პამიდორი ჩერი, ზეთი შესაწვავად, 1 თავი ხახვი, 1 კბილი ნიორი, 1 წითელი ბულგარული წიწაკა, 50 გ ზეთისხილი, 2 ს.კ. წვრილად დაკეპილი მწვანილი (კამა, ოხრახუში, რეჰანი, ბეგქონდარა),

75 მლ ზეითუნის ზეთი, 2 ს.კ. ძმარი ბალზამიკო, მარილი, წიწაკა ჩილი გემოვნებით.

მომზადება: ყაბაყი დავჭრათ 5 სმX 6 მმ  თხელ ნაჭრებად და მაღალ ტემპერატურაზე შევწვათ 2-3 წუთის განმავლობაში. თასში მოვათავსოთ შუაზე გაჭრილი პამიდვრები, მოგრძო,თხელ ნაჭრებად დაჭრილი კალმარები, დაჭრილი ზეთისხილი, დაქუცმაცებული ნიორი, ხახვი და ჩილი, დაკეპილი მწვანილი და კარგად ავურიოთ. დავუმატოთ შემწვარი ყაბაყი, ზეითუნის ზეთი, ძმარი ბალზამიკო და სურვილისამებრ, კალმარის კონსერვის წვენი. გავაჩეროთ 1 საათი და სუფრასთან მივიტანოთ პურის ნაჭრებთან ერთად.

© ღვინის კლუბი/Weekend