გამოქვეყნებულია: 22 მაისი, 2012 - 01:01
აპრილის ყინვებმა შამპანის ვენახების დაახლოებით მესამედი დააზარალა. ყველაზე მეტად დაზიანდა დაბლობებზე გაშენებული ვაზი. კოტ დე ბლანში ტემპერატურა -3 გრადუსამდე, კოტ დე ბარში კი -5 გრადუსამდე დაეცა. ამინდის ასეთმა მკვეთრმა ცვალებადობამ შესაძლოა, გავლენა მოახდინოს შარდონეზე, რადგან ამ ჯიშის ვაზი პინო ნუარსა და პინო მენიეზე გაცილებით ადრე ყვავის. Moët & Chandon-ის მეღვინის – ბენუა გუიეს თქმით, დიდი ზიანი მიადგა ავიზსა და აიში მდებარე გრან კრუს ვენახების დაახლოებით 18%-ს, ხოლო კოტ დე ბარში ყურძნის დანაკარგმა, შესაძლოა, 20%-ს მიაღწიოს. თუმცა, ამ ეტაპზე ძნელია წინასწარ რამის თქმა, რადგან ვაზმა შესაძლოა ახალი ყლორტი გამოიტანოს.
© ღვინის კლუბი/Weekend
ბეჭდვა
თქვენი კომენტარი