ქართული ღვინის ექსპორტი

საქართველოს სოფლის მეურნეობის სამინისტრომ 2009 წლიდან მიმდინარე წლის სექტემბრის ჩათვლით ღვინის ექსპორტის სტატისტიკური მონაცემები გამოაქვეყნა. გაყიდვების საერთო მაჩვენებელი 40%-ით გაიზარდა და 10,1 მილიონ ბოთლს მიაღწია. ქართველ მეღვინეთათვის გასაღების მთავარი საგარეო ბაზარი კვლავ უკრაინაა – მასზე მოდის მთლიანი ექსპორტის 52%, შემდეგ კი მოდის ყაზახეთი და ბელორუსი. სამინისტროში განაცხადეს, რომ დღეს მთავარი აქცენტი ქართული ღვინის თურქულ ბაზარზე გასატანად კეთდება. მიმდინარე წლისთვის თურქეთში დაახლოებით 1 მილიონი ბოთლი ღვინის ექსპორტი იგეგმება.