გამოქვეყნებულია: 3 დეკემბერი, 2014 - 13:59
შვედმა სტუდენტებმა მაქს მოლიტორმა და კაიზა ნიდენმა შამპანურის ბოთლისათვის ორიგინალური შეფუთვა შექმნეს და მას Quartz-ი უწოდეს. Quartz-ი მუყაოსაგან არის დამზადებული და მოსახერხებელი სახელურიც აქვს. ასე რომ, მისი წაღება წვეულებასა თუ პიკნიკზე სრულებით არ გაგიძნელდებათ. სტუდენტებმა ისიც გაითვალისწინეს, რომ შამპანურის ბოთლის შენახვა ჰორიზონტალურ მდგომარეობაშია რეკომენდებული, ამიტომ მუყაოს შეფუთვაც ისეა აწყობილი, რომ ბოთლს მხოლოდ დაწვენილს თუ შეინახავთ. შამპანურის ეს ფრიად ორიგინალური და თანამედროვე შეფუთვა სასმელს კიდევ უფრო მეტ ხიბლს ჰმატებს და გარშემომყოფებზეც დიდ შთაბეჭდილებას ახდენს.
© ღვინის კლუბი /Weekend
თემა:
ბეჭდვა
თქვენი კომენტარი