მეღვინეობის ნარჩენები, რომლებსაც ადრე უბრალოდ ყრიდნენ, ამიერიდან გადამუშავდება და ბევრ სასარგებლო საქმეში გამოიყენება. მელბურნის ტექნოლოგიური უნივერისტეტის ასპირანტმა ავინაშ კარპემ წამოაყენა წინადადება, მეღვინეობის ნარჩენების გადამუშავება სოკოს დახმარებით მოხდეს. სოკო ნარჩენებს ეთანოლად გარდაქმნის, რის შემდეგაც ის ბიოსაწვავად ან წამლების დასამზადებლად შეიძლება გამოიყენონ. ცნობილია, რომ სხვადასხვა ტიპის სოკო, გამოყოფს რა ფერმენტებს, შლის ნაგავს, - აცხადება კარპი. ეს ფერმენტები ნარჩენებს ხსნად შაქრად აქცევენ, რომლის გამოყენებაც სხვადასხვა პროდუქტის წარმოებისთვის შეიძლება. ნარჩენების გადასამუშავებლად მეცნიერმა 4 სახეობის სოკოს ,,კოქტეილი" გამოიყენა, რის შედეგადაც ორგანული მასა სასარგებლო კომპონენტებად დაიშალა. ცნობილია, რომ ავსტრალია ღვინის წარმოების მხრივ მეექვსე ადგილს იკავებს მსოფლიოში. ქვეყანა ყოველწლიურად დაახლოებით 1,75 მილიონ ტონა ყურძენს გადაამუშავებს და შესაბამისად, მეღვინეობის ნარჩენებიც ბევრია. სოფლის მეურნეობის სხვა ნარჩენებისგან განსხვავებით, ის არ გამოიყენება არც პირუტყვის საკვებად და არც სასუქად, მხოლოდ ტოქსიკურ ნაგვად იქცევა. ნარჩენების გადამუშავების ეს მეთოდი, შესაძლებელია, საწარმოო მასშტაბებით იქნას გამოყენებული და სიტუაცია უკეთესობისკენ შეიცვალოს.
© ღვინის კლუბი /Weekend
ბეჭდვა
თქვენი კომენტარი