Home
ქართული | English
ნოემბერი 2020
ორშსამოთხხუთპარშაბკვი
2627282930311
2345678
9101112131415
16171819202122
23242526272829
30123456

მულტიმედია

კომენტარები

მეღვინეები უამინდობას ვერცხლით გაუმკლავდებიან

ბურგუნდიელმა მეღვინეებმა, რომლებიც სეტყვის გამო დიდ ზარალს ნახულობენ, გადაწყვიტეს, სტიქიას მაღალტექნოლოგიური ბრძოლა გამოუცხადონ: ისინი თავიანთ რეგიონში ამინდს სპეციალური დანადგარით დაარეგულირებენ. პრობლემის მოგვარება საკუთარ თავზე ბურგუნდიის რეგიონალურმა ასოციაციამ აიღო, რომლის ძირითადი მოვალეობაც სტიქიის შესწავლა და მასთან ბრძოლაა. ამ ორგანიზაციის ვიცე-პრეზიდენტმა და მეღვინემ ფილიპ გარემ ჟურნალისტებს უამბო, რომ თავდაპირველად მათ გადაწყვეტილი ჰქონდათ, ღრუბლების გასაფანტად სპეციალური რაკეტები გამოეყენებინათ, მაგრამ ეს წარმოუდგენლად ძვირი “სიამოვნება” აღმოჩნდა.  

მაშინ ასოციაციაში გადაწყვიტეს პრობლემასთან გასამკლავებლად ვერცხლის იოდიდი გამოიყენონ, რომელიც ღრუბელზე მოქმედებს და სეტყვის წარმოქმნას აფერხებს. ცდებმა აჩვენა, რომ ასეთი დანადგარის წყალობით სეტყვისგან მოყენებული ზარალი ნახევრდება. “დღეისათვის პრობლემის გადაჭრის ამაზე უკეთესი გზა ჩვენ არ გაგვაჩნია,” – განმარტავს ბატონი გარე. ასოციაცია გეგმავს, რომ 100 ათასი ევრო შეაგროვოს და მაისისათვის ბურგუნდიაში 34 სპეციალური გენერატორი დაამონტაჟოს, რომელთა საშუალებითაც სეტყვისაგან განადგურებას 9 ათას ჰექტარზე გადაჭიმული ვენახი გადაურჩება. 

© ღვინის კლუბი /Weekend

თქვენი კომენტარი

თქვენი ელ-ფოსტა არ გამოქვეყნდება
  • Web page addresses and e-mail addresses turn into links automatically.
  • No HTML tags allowed

More information about formatting options

საქართველოს ღვინის რუკა
თქვენ შეგიძლიათ დაეხმაროთ ჩვენს ბლოგს "PayPal"-ის საშუალებით.