კიბორჩხალები ვაშლით

საჭირო მასალა: 10 ცალი კიბორჩხალა, 2 მწვანე ვაშლი, 1 კონა კამა, 0.5 ჩ.კ. ანისულის ან კამის მარცვლები, 250 გ მარილი.

მომზადება: 2.5-3 ლიტრიან ქვაბში ჩავყაროთ მარილი, ზემოდან დავაწყოთ კამა, მოვაყაროთ ანისულის მარცვლები, დავაწყოთ სიბრტყეზე რგოლებად დაჭრილი ვაშლი, ქვაბის 2/3-მდე ჩავასხათ წყალი, დავდგათ ცეცხლზე და მივიყვანოთ ადუღებამდე. ჩავაწყოთ კიბორჩხალები და ვხარშოთ 10 წუთი. შემდეგ ცეცხლი გამოვრთოთ და გავაჩეროთ 30 წუთი. მოხარშული ვაშლები განიერ თეფშზე დავაწყოთ, ზემოდან კი კიბორჩხალები დავალაგოთ. მოვრთოთ ლიმონის ნაჭრებით და სალათის ფოთლებით.

© ღვინის კლუბი/Weekend