გამოქვეყნებულია: 31 აგვისტო, 2009 - 18:32
კახეთში წლევანდელ რთველზე უკვე 850 ტონა ყურძენი მოკრიფეს. რეგიონის გუბერნატორის გიორგი ღვინიაშვილის ინფორმაციით, აღნიშნული რაოდენობა დედოფლისწყაროში დაიკრიფა და 600 ტონა ყურძენი წნორის ღვინის ქარხანამ უკვე ჩაიბარა.
მისივე თქმით, რთველი აქტიურ ფაზაში 15 სექტემბრიდან შევა და წელს კახეთში მოსავალს 40–მდე ქარხანა ჩაიბარებს. საჭიროების შემთხვევაში ქარხნების რაოდენობა შესაძლოა 50–მდე გაიზრდოს. ღვინიაშვილის განცხადებით, წელს კახეთში 140 ათას ტონამდე ყურძნის მოსავალს ელოდებიან და გუბერნატორი ირწმუნება, რომ კახელ გლეხებს მოსავლის დაბინავების პრობლემა აქ შეექმნებათ.
შეგახსენებთ, სახელმწიფო გლეხებს ღვინის ქარხანაში ჩაბარებულ ყურძენზე დამატებით თანხას გადაუხდის. ერთ კილოგრამ თეთრ ყურძენზე სახელმწიფო სუბსიდია 15, ხოლო შავ ყურძენზე 25 თეთრი იქნება.
რადიო “კომერსანტი”
ბეჭდვა
თქვენი კომენტარი