ექსპერტებმა გამოთვალეს, რომ ბოლო 60 წლის განმავლობაში ბრიტანელებმა ბაღების 2/3 გაანადგურეს და დღეს ვაშლის, მსხლისა და სხვა ხილის ბევრი ადგილობრივი, უნიკალური ჯიში უკვე გადაშენების პირასაა. რაც მთავარია, ადგილობრივი ჯიშის ხილზე მოთხოვნაც აღარ არის. ძალიან ბევრ ახალგაზრდას არც კი გაუსინჯავს ადგილობრივი ჯიშის ხილი, რადგან სუპერმარკეტები მათ იაფფასიან, თუმცა უგემურ ხილს სთავაზობენ, რომელიც ქვეყანაში ახალი ზელანდიიდან, ამერიკიდან და სამხრეთ ევროპიდან შეაქვთ. ამ სიტუაციის გამოსასწორებლად, Rivers Nursery Site and Orchard Group-ში გადაწყვიტეს, ახალგაზრდებისა და მოზრდილთათვის მოაწყონ ექსკურსიები. მათ დამთვალიერებლები მიყავთ ბაღებში, ადგილზევე ასინჯებენ ვაშლის, მსხლისა და ქლიავის ადგილობრივ ჯიშებს, უამბობენ მათი სარგებლიანობის შესახებ და ამ ხილით მომზადებული რამდენიმე კერძის რეცეპტსაც უზიარებენ. ამ ექსკურსიებმა ბევრი ბრიტანელი დაარწმუნა, რომ მათი, ადგილობრივი ხილი ბევრად გემრიელია, ვიდრე ჩამოტანილი, თუმცა შეიძლება ის უფრო მომხიბვლელად გამოიყურებოდეს.
ენთუზიასტების წყალობით, უკვე ძალიან ბევრი ბრიტანელი ყიდულობს მხოლოდ ადგილობრივ ხილს, ფერმერებს კი ახალი ბაღების გაშენების მოტივაცია გაუჩნდათ. დღეს უკვე ლონდონშიც კი შეხვდებით პატარა ბაღებს, სადაც ადგილობრივი ჯიშის ხეხილი ხარობს.
© ღვინის კლუბი /Weekend
ბეჭდვა
თქვენი კომენტარი