როგორც ცნობილია, თვითმფრინავით ფრენის შიში უამრავ ადამიანს ტანჯავს. შესაძლოა, სწორედ ამ მიზეზის გამო, მსოფლიოს სხვადასხვა საერთაშორისო აეროპორტში კაფე-ბარები გაუქმებულ თვითმფრინავებში განთავსდა. მგზავრთათვის დაძაბულობის მოხსნასა და ფრენის ფობიის დაძლევას ასეთი ორიგინალური მეთოდით ცდილობენ, მაგალითად, შვეიცარიაში, ციურიხის საერთაშორისო აეროპორტში განლაგებულ ბარ Runway 34-ში. საბჭოთა წარმოების საჰაერო ხომალდ ,,ილ 14”-ის ერთ-ერთ ფრთაში ბარია მოწყობილი, მეორე ფრთა კი მოსასვენებელ კუთხესა და რესტორანს ეთმობა.
შვედეთში, სტოკჰოლმის აეროპორტში, კომფორტული ბარისა და ჰოსტელის მოსაწყობად ბოინგ 747-ია გამოყენებული. საკუთრივ ბარი, რომელსაც სახელად Jumbo ეწოდება და მხიარულ ფერებშია გადაწყვეტილი, თვითმფრინავის კუდშია განთავსებული.
ინგლისში, უორკშირის საგრაფოს აეროპორტ კოვენტრიში ბარი ამერიკული ხომალდის - ის სალონშია განთავსებული. ბარში ერთდროულად 40 ადამიანი ეტევა და ყველანაირი კომფორტია შექმნილი მშვიდ გარემოში დასანაყრებლად და კოქტეილის დასაგემოვნებლად. კოლორადო სპრინგსის (კოლორადოს შტატი, აშშ) აეროპორტში ბარი ამერიკის სამხედრო-საჰაერო ძალების ყოფილ ბოინგში გამართეს. ბარი 42 პერსონაზე გათვლილი.
იტალიელები კი არც ამ შემთხვევაში ღალატობენ ტრადიციას და რომის აეროპორტ ფიუმიჩინოში თვითმფრინავში პიცერია Alta Quota გახსნეს. პიცერიის გარდა თვითმფრინავის სალონში ულამაზესი ორანჟერეაც არის მოწყობილი.
©ღვინის კლუბი/vinoge.com
ბეჭდვა
