რედინგის უნივერსიტეტის (დიდი ბრიტანეთი) მეცნიერები იუწყებიან, რომ მეხსიერების შენარჩუნების ყველაზე საამო მეთოდს მიაკვლიეს. გამოკვლევამ, რომელსაც პროფესორი ჯერემი სპენსერი ხელმძღვანელობდა, დაადასტურა, რომ მცირე რაოდენობით შამპანური ააქტიურებს ტვინის იმ უჯრედებს, რომლებიც ახალი ინფორმაციის მიღებასა და ძველის შენახვაზეა პასუხისმგებელი. აქედან გამომდინარე, თუკი კვირაში ერთხელ ერთ ბოკალ შუშხუნა ღვინოს მიირთმევთ, ცინცხალ გონებას შეინარჩუნებთ. ადრე მეცნიერებს მიაჩნდათ, რომ ამგვარი დადებითი თვისება მხოლოდ წითელ ღვინოს გააჩნდა, რადგან ის დიდი რაოდენობით ფლავონოიდებს შეიცავს. მართალია, შამპანური და სხვა შუშხუნა ღვინოები მსგავს ნივთიერებას არ შეიცავენ, მაგრამ მეხსიერებაზე მაინც ძალიან დადბით გავლენას ახდენენ. ამ დადებით გავლენას კი მეცნიერები ფენოლებისა და სხვა სასარგებლო ნივთიერებების არსებობით ხსნიან.
© ღვინის კლუბი/Weekend
ბეჭდვა
თქვენი კომენტარი