გამოქვეყნებულია: 14 თებერვალი, 2012 - 00:54
ფლორენციელმა მხატვარმა ელიზაბეტ როგაიმ ფერწერის ახალი ტექნიკა შეიმუშავა – ის საღებავების ნაცვლად სხვადასხვა სახეობის თეთრ და წითელ ღვინოებს იყენებს და ასე ქმნის ნახატებს. აღსანიშნავია, რომ აქამდე არაერთ მხატვარს უცდია ასე მუშაობა, მაგრამ ღვინით ხატვისთვის მალევე დაუნებებიათ თავი იმის გამო, რომ ეს მასალა ფერთა გამის დიდ შესაძლებლობებს ვერ იძლევა. ელიზაბეთ როგაი ტილოზე ან სულაც ჯინსის ნაჭერზე ხატავს, ნახატის კონტურებს ნახშირით აკეთებს, ღვინოს კი ფქვილითა და წყლით აზავებს. ამჟამად მხატვარი მხოლოდ პორტრეტებზე მუშაობს. გამორიცხული არ არის, რომ მან ჟანრი შეიცვალოს, თუმცა კლასიკური პეიზაჟის მხოლოდ ღვინის გამოყენებით დახატვა ალბათ ძალზე რთული იქნება.
© ღვინის კლუბი/Weekend
ბეჭდვა
ნევროზი :)
თქვენი კომენტარი