ელიტურმა ბურგუნდიულმა ღვინომ ახალი რეკორდი დაამყარა. ჰონკონგში გამართულ აუქციონზე 1990 წლის მოსავლის ერთი კეისი (12 ბოთლი) Romanee-Conti 297,4 ათას დოლარად გაიყიდა. ღვინო ანონიმმა ჰონკონგელმა კოლექციონერმა შეიძინა, რომელიც აუქციონში მონაწილეობას ტელეფონის საშუალებით იღებდა. აუქციონი ორი დღის განმავლობაში მიმდინარეობდა, მასში სულ 400 ადამიანი მონაწილეობდა და მიღებულმა შემოსავალმა დაახლოებით 11 მილიონი დოლარი შეადგინა.
მიუხედავად იმისა, რომ ექსპერტები ეკონომიკური კრიზისის ახალ ტალღას წინასწარმეტყველებენ, ბურგუნდიულ ღვინოზე მოთხოვნა ჩინეთის ბაზარზე მუდმივად იზრდება. ამ აუქციონამდე რამდენიმე დღით ადრე, 8 სექტემბერს, ლონდონში გამართულ Bonhams-ის აუქციონზე ერთი კეისი იმავე წლის მოსავლის Romanee-Conti201,9 ათას დოლარად, ივლისში კი იმავე ღვინის 1988 წლის მოსავლის ერთი კეისი 119,3 ათას დოლარად გაიყიდა. ა.წ. მაისში ჟენევაში გამართულ აუქციონზე 1945 წლის ჩამოსხმის Romanee-Conti123,9 ათას დოლარად შეიძინეს.
© ღვინის კლუბი/Weekend
ბეჭდვა
თქვენი კომენტარი