ბოლო მოსავლის ხვანჭკარაა, რაჭული, ადგილწარმოშობის ნახევრადტკბილი ღვინო, რომელიც ადგილობრივი ჯიშებიდან, ალექსანდროულიდან და მუჯურეთულიდანაა დაყენებული. შესანიშნავი გარეგნობის ღვინოა, გამჭვირვალე, ელვარე ჟოლოსფერი, გემოზე ძალიან რბილი და ხავერდოვანია, კარგად დაბალანსებული, სადაც მჟავიანობაც ამბობს თავის სიტყვას და პიკანტურობას სძენს ღვინოს. წითელი გოგრა ბალისა და მწიფე ალიბუხარი ქლიავის სურნელებთან ერთად დაბოლოებაში დაჭყლეტილ ჟოლოსაც იგრძნობთ. შესანიშნავი სადესერტო ღვინოა, საუკეთესოა ტკბილეულთან მისაყოლებლად. მათ შორის: ხილიანი ნაყინი, თაფლიანი ნამცხვრები და ხილის ჟელეები. მიირთვით კარგად გაგრილებული.
2012 წლის ნოემბრის დახასიათება
ძალიან სასიამოვნო გარეგნობის ღვინოა, ლალისფერი, გამჭვირვალე. ადვილად იგრძნობთ ხვანჭკარისთვის დამახასიათებელ ხილის სურნელებს, რომელსაც ტკბილი სუნელების არომატიც ემატება. ძალიან რბილი და სასიამოვნო ღვინოა, მცირედი მსუსხავი ტანინებით. ეს ახალი და შედარებით მაღალმჟავიანი ღვინო წითელი ხილის სალათებთან და ხილისვე ნამცხვრებთან იქნება კარგი მისაყოლებელი.
© ღვინის კლუბი/vinoge.com
ბეჭდვა
თქვენი კომენტარი