გამოქვეყნებულია: 10 ნოემბერი, 2012 - 16:52
90.00 ლარი
ეს ღვინო საინტერესო ექსპერიმენტის შედეგია. მასში შეზავებულია სამ სრულიად განსხვავებულ, ტრადიციულ მიკროზონაში დაკრეფილი ყურძნიდან დაყენებული ღვინო - წინანდლის, ნაფარეულისა და ქინძმარაულის საფერავი. ღვინომ მუხის კასრშიც გაატარა გარკვეული დრო. ფერში უკვე სიძველეც ჩანს, ღვინოს ძოწისფერისკენ აქვს მიდრეკილება. გემოში მუხის კვალი ჰარმონიულადაა შერწყმული სხვა სურნელებთან - შავი ბლისა და მცირედი შავი პილპილის ტონებთან. ღვინო უკვე კარგადაა დაძველებული და აუცილებლად საჭიროებს დეკანტირებას, ხანგრძლივ განიავებას. იგი მზადაა მოხმარებისთვის და მისი შემდგომი დავარგება მიზანშეწონილი აღარაა. მიაყოლეთ ლორს, გრილზე შეწვარ მწყერსა და ძეხვეულს.
© ღვინის კლუბი/Weekend
თემა:
ბეჭდვა
თქვენი კომენტარი