გამოქვეყნებულია: 27 მარტი, 2011 - 15:11
ყველა თანხმდება იმაზე, რომ 2005 წელი არაჩვეულებრივი იყო რიოხასთვის. ასეთი ხარისხიანი მოსავალი ათწლეულების მანძილზე არ მოსულა ამ მხარეში. ეს ღვინო სანიმუშო რიოხაა, 100% ტემპრანილიოს ჯიშის ყურძნიდან დაწურული, ბებერი ვენახიდან. ღვინო უკვე კარგადაა დაძველებული, მაგრამ გასინჯვის შემდეგ ცხადი ხდება, რომ მას კიდევ წლების მანძილზე შეუძლია დახვეწა. სურნელში პირველ რიგში სიმწიფეს იგრძნობთ, გამოვყოფდი შავი ბლის ტონებს, მოგვიანებით კი მუხის კვალიც ჩნდება. ფერში სიძველის ნიშნები აქვს, საკმაოდ სხეულიანი და სავსე ღვინოა. ძალიან ხანგრძლივი დაბოლოება ახასიათებს. კარგი იქნება შეკმაზულ ხორციან კერძებთან.
© ღვინის კლუბი/vinoge.com
თემა:
ბეჭდვა
თქვენი კომენტარი