გამოქვეყნებულია: 18 აგვისტო, 2009 - 13:14
„ატლანტა ჰოუკსისა“ და საქართველოს ნაკრების ცენტრ–ფორვარდმა, ზაზა ფაჩულიამ ატლანტაში ცნობილი რესტორანი და ღვინის ბარი Eno შეიძინა. „მე გემრიელი საკვების დიდი მოყვარული ვარ და რადგან მომეცა შესაძლებლობა, გადავწყვიტე შემეძინა Eno“. ზაზა ფაჩულიას ასევე გადაწყვეტილი აქვს, რომ Eno–სთან არსებულ ღვინისა და ყველის მაღაზიებში საქართველოდან ჩატანილი პროდუქტიც წარუდგინოს ადგილობრივ მომხმარებელს: „საქართველო ღვინის ქვეყანაა და ჩვენ აუცილებლად გვექნება გაყიდვაში ქართული ღვინოც“.
რესტორანი Eno შვიდი წლის წინ გახსნა ატლანტის ცენტრში დაგ სტრიკლენდმა. იგი 95 ადგილიანია, ღვინის ბარი კი 30 კაცზეა გათვლილი და აქაურ ღვინის ბარათში მსოფლიოს ყველაზე სახელოვან ღვინოებსაც შეხვდებით (Beaucastel, Chateauneuf du Pape, ასევე ალვარო პალასიოსის, ანჯელო გაიას, ლოდოვიკო ანტინორის, ზინდ უმბრეშტის, ემილ გიგალის, ნიკოლა ჟოლისა და სხვათა ქმნილებებს).
იმედი ვიქონიოთ, რომ მათ გვერდით ადგილს საუკეთესო ქართული ღვინოებიც დაიმკვიდრებენ.
მ.ხ.
© vinoge.com
თემა:
ბეჭდვა
რავი, ჩვეულებრივი ა ლა კარტ მენიუა, ძალიან ნორმალური. თუ გინდა ერთი ყველაზე ცნობილი და ძვირიანი ნიუ–იორკული რესტორნის მენიუს გადმოგიგდებ. თითო ტოპიკში მარტო 2–3 კერძია :)
თქვენი კომენტარი