ქათმის ფრთები მოცხარო-მოტკბო სოუსში

საჭირო მასალა: 60 მლ ღვინის ძმარი, 20 მლ ქუნჯუთის ან ზეითუნის ზეთი, 15 გ სიმინდის ფქვილი, 30 გ შაქარი, 60 მლ წყალი, 60 მლ სოიის სოუსი, 1 ჩ.კ. დაფქული წიწაკა, 1 კგ ქათმის ფრთები.

მომზადება: ჭურჭელში მოვათავსოთ შაქარი, ზეთი, წყალი, ღვინის ძმარი, სოიის სოუსი და სიმინდის ფქვილი. კარგად ავურიოთ და დავუმატოთ წიწაკა. სოუსი ცხარე უნდა იყოს, ამიტომ შეიძლება წიწაკის დამატება კიდევ დაჭირდეს. სოუსი ჩავასხათ პატარა ქვაბში და დაბალ ცეცხლზე 3-5 წუთის განმავლობაში ვადუღოთ. სოუსს განუწყვეტლივ ვურიოთ, რომ არ მიიწვას. ქათმის ფრთები კარგად გავრეცხოთ და შევამშრალოთ, ამოვავლოთ სოუსში, დავაწყოთ თუნუქის ფურცელზე და 30-35 წუთით 190 გრადუსზე გახურებულ ღუმელში შევდგათ. როცა ფრთები კარგად დაიბრაწება, კერძი მზადაა.

© ღვინის კლუბი/Weekend