ალბონდიგასი

საჭირო მასალა: 600 გ საქონლის ფარში, 600 გ ღორის ფარში, 0.5 ჭიქა საფანელი, 1 პატარა კონა ოხრახუში, 4 კვერცხი, 4 კბილი ნიორი, 1 ჭიქა ფქვილი, მარილი, პილპილი გემოვნებით, 0.5 ჭიქა ზეითუნის ზეთი შესაწვავად. სოუსისათვის – 4 კბილი ნიორი, 1 თავი ხახვი, 1 თავი პრასი, 1 ცალი დაფნის ფოთოლი, 2 ჭიქა საქონლის ბულიონი, 1 ჭიქა ღვინო, 0.5 ჭიქა ზეითუნის ზეთი.

მომზადება: შევურიოთ ფარში, საფანელი, დაკეპილი ოხრახუში, კვერცხი, ნიორი, მარილი, პილპილი, მოვზილოთ და 1 საათით შევდგათ მაცივარში. ფარშისგან გავაკეთოთ ბურთულები, ამოვავლოთ ფქვილში და ტაფაზე ზეითუნის ზეთში შევწვათ. სოუსისათვის ტაფაზე გავაცხელოთ ზეითუნის ზეთი, დავუმატოთ დაჭრილი ხახვი და პრასის თეთრი ნაწილი, დაკეპილი ნიორი, დაფნის ფოთოლი, ვშუშოთ 12 წუთი ხახვის დარბილებამდე, დავუმატოთ 2 ს.კ. ფქვილი, მოვურიოთ, დავასხათ ბულიონი და ღვინო. ვხარშოთ შესქელებამდე და შემდეგ გავთქვიფოთ ბლენდერში. ალბონდიგასები (ესპანური ფრიკადელები) ამოვიღოთ თეფშზე, გავუკეთოთ ხის ჩხირები და მოვასხათ სოუსი. 

© ღვინის კლუბი/Weekend