ძროხის ღვიძლის ტერინი

საჭირო მასალა: 1 კგ ძროხის ღვიძლი, 3 კვერცხი, 2 კბილი ნიორი, 2 ცალი დაფნის ფოთოლი, 0,5 ჭიქა გარჩეული ფუსტუღის თხილი, 250 გ ბეკონი, 0,5 ჭიქა წყალი, მარილი, პილპილი – გემვნებით.

მომზადება: ღვიძლი გავრეცხოთ, დავჭრათ და ხორცსაკეპ მანქანაში ორჯერ გავატაროთ. დაფნის ფოთოლი დავფქვათ. კვერცხი გავთქვიფოთ, ნიორი კი წვრილად დავჭრათ. გატარებულ ღვიძს შევურიოთ კვერცხი, დაფნის ფოთოლი, ნიორი, ფუსტუღის თხილი, მარილი პილპილი და კარგად ავურიოთ. საცხობ ფორმაში ჩავფინოთ ბეკონის გრძელი, თხელი ნაჭრები, ზედ მოვათავსოთ ღვიძლის მასა და გამოვაფინოთ ბეკონის ნაჭრები. ფორმას გადავაფაროთ ფოლგა და ჩავდოთ თუნუქის ფორმაში, რომელშიც უნდა იყოს ჩასხმული 0,5 ჭიქა წყალი. ტერინი შევდგათ 180 გრადუსზე გახურებულ ღუმელში და დახლოებით 45 წუთის განმავლობაში ვაცხოთ. მზა კერძი ფორმიდან ამოვიღოთ, მაცივარში გავაციოთ და საშუალო ზომის ნაჭრებად დავჭრათ.

© ღვინის კლუბი/Weekend