ვასილოპიტა – ბერძნული საახალწლო ნამცხვარი

საჭირო მასალა: 6 ჭიქა ფქვილი, 6 კვერცხი, 2 ჭიქა შაქარი, 150 გ კარაქი, 50 მლ კონიაკი, 3 ჩ.კ. გამაფხვიერებელი, 1 ფორთოხლის წვენი და ცედრა.

მომზადება: კვერცხის გულები და შაქარი ვთქვიფოთ 5-6 წუთის განმავლობაში, დავუმატოთ დარბილებული კარაქი და 3 წუთი კიდევ ვთქვიფოთ. ცალკე ჭურჭელში შევურიოთ კონიაკი, ფორთოხლის წვენი და ცედრა. კვერცხის ცილა ავთქვიფოთ. კვერცხის გულების მასას შევურიოთ კონიაკი, ცოტა ფქვილი  და ათქვეფილი ცილის ნაწილი. შემდეგ დავუმატოთ გამაფხვიერებელი და ფქვილი, დარჩენილი ათქვეფილი ცილა და კარგად ავურიოთ. ცხიმწასმულ ფორმაში მოვათავსოთ ცომი, ტრადიციის მიხედვით, ცომში დებენ ფოლგაში შეხვეულ მონეტას, რომელიც დაჭრის  შემდეგ ყველაზე იღბლიანს შეხვდება. გამოვაცხოთ საშუალო ცეცხლზე და ზემოდან მოვაყაროთ შაქრის პუდრა.

© ღვინის კლუბი/Weekend