ფაკასი

საჭირო მასალა: 6 კვერცხი, 250 მლ ზეთი, 2 ჭიქა შაქარი, 2 ჭიქა ნუში, 2 ჭიქა ქიშმიში, 1 ჭიქა თეთრი ქუნჯუთის მარცვლები, 2 ჩ.კ. გამაფხვიერებელი, 1 კგ ფქვილი, 1 ჩ.კ. უნალექო ყავა, 1 კვერცხის ცილა.

მომზადება: ღრმა ჯამში ავურიოთ კვერცხი, ზეთი, შაქარი, ნუში, ქიშმიში, ქუნჯუთის მარცვლები და გამაფხვიერებელი ფხვნილი. თანდათანობით დავამატოთ ფქვილი და ხელით ვზილოთ, ვიდრე არ მივიღებთ მკვრივ ცომს. ცომი დავყოთ რამდენიმე მოზრდილ ბურთულად, ხელით მივცეთ ძეხვის ფორმა, მოვათავსოთ ზეთწასმულ თუნუქის ფურცელზე. კვერცხის ცილაში ავურიოთ ხსნადი ყავა და ძეხვის ფორმის ცომს წავუსვათ. 15 წუთის განმავლობაში გამოვაცხოთ წინასწარ გახურებულ ღუმელში. როცა გამოცხვება, გამოვიღოთ, ცხელივე დავჭრათ 0.6 სმ ნაჭრებად, ისევ დავაწყოთ თუნუქის ფურცელზე და შევდგათ ღუმელში, სანამ ორივე მხრიდან არ შეიბრაწება. შეგრილებული ფაკასები ინახება ჰერმეტულად დახურულ ჭურჭელში.

© ღვინის კლუბი/Weekend