საჭირო მასალა: ბანანისა და კარამელის ფენა – 500 გ შაქრის პუდრა, 6 ბანანი, 100 მლ წყალი. კრემი – 400 მლ შესქელებული რძე, 600 მლ რძე, 4 კვერცხის გული, 2 ჩ.კ. სიმინდის სახამებელი, 10 გ ვანილის შაქარი, 1 ჩ.კ. კარაქი. ბეზე - 4 კვერცხის ცილა, 2 ს.კ. შაქრის პუდრა, 1/2 ლაიმი ან ლიმონი.
მომზადება: სქელძირიან ღრმა ტაფაში მოვათავსოთ შაქარი და წყალი. დავდგათ ცეცხლზე და როცა კარამელიზაცია დაიწყება, ჩავამატოთ დაჭრილი ბანანები. რამდენიმე წუთით გავაჩეროთ ცეცხლზე და თან მსუბუქად ვურიოთ. საცხობ ფორმებს თხლად წავუსვათ კარაქი, ზედ დავაწყოთ კარამელიზებული ბანანები. ცალკე ქვაბში ჩავასხათ რძე, შესქელებული რძე, კვერცხის გულები, სახამებელი და მუდმივი მორევით ნელ ცეცხლზე ვადუღოთ შესქელებამდე. მზა კრემს ავურიოთ ვანილის შაქარი და კარაქი. კრემი მოვათავსოთ ბანანას მასის ზემოდან. ავთქვიფოთ კვერცხის ცილები, დავუმატოთ შაქრის პუდრა, ლაიმის ან ლიმონის ცედრა და ძალიან კარგად ავთქვიფოთ. ბეზეს მასა კრემის ზემოდან მოვათავსოთ და 10-15 წუთით შევდგათ ცხელ ღუმელში, ვიდრე ზედაპირი არ დაიბრაწება.
© ღვინის კლუბი/Weekend
ბეჭდვა
თქვენი კომენტარი