სტაფილოსა და ჯანჯაფილის წვნიანი

საჭირო მასალა: 1 ფორთოხალი, 2 ს.კ. ზეითუნის ზეთი, 300 გ სტაფილო, 25 გ ჯანჯაფილი, 2 თავი ხახვი, 1 ს.კ. სელის ზეთი, 500 მლ ბოსტნეულის ბულიონი, 0,5 ლიმონი, 50 გ ათქვეფილი ნაღები, მარილი, პილპილი – გემოვნებით.

მომზადება: ფორთოხალი ცხელ წყალში გავრეცხოთ, მოვაშოროთ ცედრა და გავწუროთ. ცედრა და წვენი შევურიოთ ზეითუნის ზეთს. სტაფილო საშუალო ზომის ნაჭრებად დავჭრათ. ჯანჯაფილი დავკეპოთ. ხახვი წვრილად დავჭრათ. ქვაბში გავაცხელოთ სელის ზეთი, დავუმატოთ ხახვი, ჯანჯაფილი, სტაფილო და მოვშუშოთ. დავასხათ ბოსტნეულის ბულიონი, დავახუროთ სახურავი და საშუალო ტემპერატურაზე 25 წუთი ვხარშოთ. როდესაც სტაფილო მოიხარშება, წვნიანი ბლენდერით ავთქვიფოთ. შევანელოთ მარილით, პილპილითა და ლიმონის წვენით. წვნიანი კიდევ ერთხელ წამოვადუღოთ და ცეცხლიდან გადმოვდგათ. სუფრაზე მიტანის წინ თითოეულ ულუფაში მოვათავსოთ გათქვეფილი ნაღები და მოვასხათ ფორთოხლიანი ზეითუნის ზეთი.

© ღვინის კლუბი /Weekend