სკუმბრია ბოსტნეულით

საჭირო მასალა: 2 ცალი საშუალო ზომის სკუმბრია, 3 ცალი კარტოფილი, 1 ცალი გახეხილი სტაფილო, 200 გ. დაკონსერვებული მწვანე ლობიო, 150 გ. დაკონსერვებული ბრიუსელური კომბოსტო, 3-4 ტოტი როზმარინი, 3-4 ს.კ. ზეთი,  2 ცალი ლიმონი, მარილი, პილპილი – გემოვნებით.

მომზადება: თევზი გავასუფთაოთ და დავჭრათ ნაჭრებად, მოვაყაროთ მარილი, წიწაკა და როზმარინის ტოტები. ზემოდან დავაწყოთ თხლად დაჭრილი ლიმნი. თევზის ნაჭრები მოვათავსოთ ზეთწამულ ფოლგის ქაღალდში, შევკრათ და შევდგათ საშუალოდ გახურებულ ღუმელში. კარტოფილი დავჭრათ, ავურიოთ ზეთი, დანარჩენი ბოსტნეული და სანელებლები.  10-15 წუთის შემდეგ ფოლგა გავხსნათ, თევზსზემოდან მოვაყაროთ ბოსტნეული, შევკრათ და შევდგათ ღუმელში, სანამ ბოსტნეული არ მომზადდება.

© ღვინის კლუბი/Weekend