ქათამი შემოდგომის ბოსტნეულით

საჭირო მასალა: 700 გ გოგრა, 1 ცალი პრასი, 2 ძირი ნიახური, 2-3 თავი წითელი ხახვი, 600 გ კარტოფილი, 1 ქათამი (1,6 კგ), 100 მლ ზეთი,  1-2 ს.კ. პაპრიკა, 5-6 ღერი ნედლი ან 0,5 ჩ.კ. ხმელი ქონდარი, მარილი, წიწაკა – გემოვნებით.

მომზადება: გოგრის რბილობი  საშუალო ზომის ნაჭრებად დავჭრათ. მსხვილად დავჭრათ ნიახური და პრასი. კარტოფილი კუბებად, ხოლო ხახვი სიგრძეზე, თხლად დავჭრათ. ქათამი გავასუფთავოთ და გავამშრალოთ. ზეთში ავურიოთ მარილი და პაპრიკა. ნახევარი ბოსტნეულს მოვასხათ, ნახევარი – ქათამს წავუსვათ. ასე გავაჩეროთ 30 წუთის განმავლობაში. ბოსტნეული და ქათამი გადავიტანოთ საცხობ ფორმაში, გადავაფაროთ ფოლგა და 45 წუთის განმავლობაში 200 გრადუსზე გახურებულ ღუმელში შევწვათ. მზა კერძს მოვაყაროთ ქონდარი.

© ღვინის კლუბი/Weekend