კარტოფილი ქუნჯუთის მარცვლებითა და ხაჭოთი

საჭირო მასალა: 1 კგ ახალი კარტოფილი, 3 ს.კ. ქუნჯუთის ზეთი, 1-2 ს.კ. ქუნჯუთის მარცვლები, 1 თავი ხახვი, 1 პატარა კონა ოხრახუში, 1 პატარა კონა მწვანე ხახვი, 2-3 ღერი კამა, 500 გ უცხიმო ხაჭო, 100 მლ მინერალური წყალი,1 ს.კ. სელის ან ზეითუნის ზეთი, მარილი, წიწაკა – გემოვნებით.

მომზადება: კარტოფილი კარგად გავრეცხოთ კანიანად, მოვაყაროთ მარილი, წიწაკა, ქუნჯუთის მარცვლები და ქუნჯუთის ზეთთან ერთად  ავურიოთ. საცხობ ფორმას წავუსვათ ცხიმი, ზედ მოვათავსოთ კარტოფილი, შევდგათ 200 გრადუსზე გახურებულ ღუმელში და 30-40 წუთის განმავლობაში ვაცხოთ. შეწვისას კარტოფილს ამოვურიოთ, რომ არ მიიწვას. ხახვი, ოხრახუში, მწვანე ხახვი და კამა წვრილად დავჭრათ. ხაჭოში ავურიოთ  მინერალური წყალი, მარილი და წიწაკა. შევურიოთ სელის ზეთი, ხახვი და მწვანილი. მზა კარტოფილი ხაჭოსთან ერთად მივირთვათ, ზემოდან კი დაჭრილი მწვანილი მოვაყაროთ.

© ღვინის კლუბი/Weekend